«Бәрі қалай басталғаны есіңде ме?»

№4 жалпы орта білім беретін мектеп 1939 жылдың желтоқсан айында ашылды. 1944–1953 жылдар аралығында ол қыздар гимназиясы болды. 1949 жылғы 10 ақпанда мектепке Александр Сергеевич Пушкиннің есімі берілді. Гимназия бүгінгі күнге дейін ұлы орыс ақынының осы даңқты есімін мақтанышпен алып жүр.

№4 гимназияның мақтанышы – 1941 жылы майданға өз еркімен аттанып, соғыс даласынан оралмаған түлектері мен ұстаздары: Тоня Пруцкова, Сергей Маринин, гимназияның оқу ісі меңгерушісі Борис Николаевич Макаров, тарих пәнінің мұғалімі Сергей Осипович Дегтярев, сызу пәнінің мұғалімі Константин Иванович Чаус.

Пушкин атындағы гимназия әрдайым өзінің педагогикалық ұжымымен танымал болды.

Біздің жадымызда ардагер ұстаздардың есімдері мәңгі сақталады:
Избасаров Мулдажан Гораевич, Ұлы Отан соғысының ардагері, 1972–1985 жылдары мектеп директоры.
Петрова Екатерина Григорьевна — орыс тілі мен әдебиеті пәнінің мұғалімі, өзінің жарқын өмірінің шамамен 40 жылын біздің мектепке арнаған.

Гольштейн Евгения Владимировна — орыс тілі мен әдебиеті пәнінің мұғалімі, 20 жыл бойы мектептің тұрақты кітапханашысы, гимназияның кәсіподақ комитетінің төрайымы. Евгения Владимировнаның біздің мектепке 45 жыл бойы адал қызмет етуі — нағыз аңыз әрі барлық ұстаздар үшін үлгі.