«Мектебім – мейірім мекені» атты салтанатты жиын

2025 жылғы 1 қыркүйекте «А.С. Пушкин атындағы № 4 гимназияда» жаңа 2025–2026 оқу жылының басталуына және Білім күніне арналған «Мектебім – мейірім мекені» атты салтанатты жиын өтті.
Мерекелік іс-шара оқушыларды, ұстаздарды және ата-аналарды қуанышқа, жылылық пен шабытқа толы ортаға біріктірді.
Гимназия директоры Нурпеисова Айнура Жаппаровна жылы лебізін білдіріп, баршаға сәтті, жемісті және берекелі оқу жылын тіледі.
Мерекені оқушылар мен мұғалімдер дайындаған әсерлі музыкалық бағдарлама көркемдеді. Әндер, өлеңдер мен жүрекке жеткен жылы сөздер айтылып, бұл күнді нағыз ұмытылмас сәтке айналдырды.
Бұл оқу жылы бәріміз үшін жаңалықтарға, ізгі істерге және шабытты жеңістерге толы жыл болғай! Білім күні құтты болсын!